Charter Document - 04960053
| Charter Number: | 04960053 |
|---|---|
| Cartulary Title: | Cartulaire de l'Abbaye de Porrois |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1220 - 1221 |
| Date type: | Internal |
| Resource Link(s): |
|
Charter:
G[alterus] Dei gratia Carnotensis episcopus Noverit universitas vestra quod Willermus miles de Manso Hodebolt laudavit et concessit decimam Germundi de Pasticiis quam dedit in puram perpetuam elemosinam abbatie Portus Regi in agricultura sua de Manso Hodebolt hanc concessit prefatus Willermus eidem abbatie et uxor ejus si quid in eadem decima racione dotis clamare poterat Preter hoc jam dictus Willermus decimam suam quam habet in predicta villa vendidit prefate domui pro quindecim libras Et hanc venditionem et prefatam donationem voluntarie in manu nostra fiduciavit tam ipse quam uxor ejus Hoc ipsum concessit Guido de Berthecuria Et jam dictus Willermus domino plenam concessionem sub prefata fide procurare promisit Quod si eamdem concessionem dominis extorquere non possit redderet prenominate domui infra tres septimanas submonitionis audite quindecim libras et centum solidos si in procuranda causa decime retinende expenderentur Ut autem tam prioris donationis quam posterioris venditionis factum contra posterorum calumpnias stabile perseveret tocius rei tenorem litteris presentibus reique veritatem perhibentibus et sigilli nostri impressione signatis ad utriusque partis instanciam divine pietatis intuitu sepe dicto monasterio curavimus confirmare Actum anno gracie millesimo ducentesimo vicesimo mense marcio