Charter Document - 04960048
| Charter Number: | 04960048 |
|---|---|
| Cartulary Title: | Cartulaire de l'Abbaye de Porrois |
| Charter Language: | Latin |
| Charter Origin: | Religious |
| Charter Type(s): | Decree |
| Date: | 1220 |
| Date type: | Internal |
| Resource Link(s): |
|
Charter:
Universis Christi fidelibus ad quos presentes littere pervenerint frater T[homas] de Vallibus Sernaii dictus abbas salutem in vero salutari Notum facimus quod eum Emelina relicta Ade de Darenciaco dilectis in Christo abbatisse Porretarum et ejusdem conventui domum in campellis juxta Halas in censiva domini regis et insuper viginti libras parisiensium ad emendos redditus contulisset ad sustentationem cujusdam capellani qui in ecclesia abbatie supradicte pro remedio anime defuncti Symonis de Braya clerici fratris Emeline et pro animabus parentum et antecessorum earumdem et animabus ipsius Emeline et Guillermi filii ejus cum viam universe carnis ingressi fuerint divina diebus singulis perpetuo tenebitur celebrare prout in litteris dictarum abbatisse et conventas plenius continetur et Emeline a monialibus fuisset concessum Nos concessionem dilectorum in Christo filiorum pensata utilitate earum ratam et firmam habuimus assensum et auctoritatem quam habebamus in earum ecclesia ratione provisionis imparcientes eidem In cujus rei memoriam et testimonium presentes litteras ad petitionem abbatisse et conventus sigilli nostri munimine duximus roborandus Actum anno Domini millesimo ducentesimo vicesimo