Charter Document - 04960041
| Charter Number: | 04960041 |
|---|---|
| Cartulary Title: | Cartulaire de l'Abbaye de Porrois |
| Charter Language: | Latin |
| Charter Origin: | Religious |
| Charter Type(s): | Decree |
| Date: | 1219 |
| Date type: | Internal |
| Resource Link(s): |
|
Charter:
Officialis archidiaconi Parisiensis omnibus presentes litteras inspecturis salutem in Domino Notum facimus quod cum causa verteretur coram nobis inter abbatissam et conventum de Porrois ex una parte et Guillelmum de Claciaco militem ex altera supra quadraginta solidis parisiensium quod dicte abbatissa et conventus dicebant sibi legatos fuisse in elemosinam a defuncto Theobaldo de Claciaco clerico fratre dicti Guillelmi singulis annis in censu de Grooleio percipiendos Lite super hoc coram nobis legitime contestata testibus receptis attestationibus publicatis rationibus et allegationibus hinc inde propositis et plenius intellectis habito prudentiam vivorum consilio per definitivam sententiam adjudicavimus dictis abbatisse et conventui de Porrois contra predictum militem prefatos quadraginta solidos in predicto censu de Groolaio percipiendos In cujus rei testimonium et memoriam presentes litteras fieri fecimus et sigilli curie archidiaconi Parisiensis munimine roborari Actum anno Domini millesimo ducentesimo decimo nono mense decembri