Charter Document - 04960034
| Charter Number: | 04960034 |
|---|---|
| Cartulary Title: | Cartulaire de l'Abbaye de Porrois |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1217 - 1218 |
| Date type: | Internal |
| Resource Link(s): |
Cartulaires d'Île-de-France |
Charter:
Reginaldus Dei gratia Carnotensis episcopus universis primis et posteris presentem paginam inspecturis salutem in Domino Notum facimus quod quum abbatissa et conventus sanctimonialium de Porregio Ascelinam filiam Hugonis de Marchesio militis in sororem Dei et caritatis intuitu gratis receperant post modum dictus miles in nostra presentia constitutus ne dictam filiam suam nuptam Christi parte sui patrimonii relinqueret indotatam ecclesie de Porregio et monialibus ibidem Deo servientibus dedit et concessit in perpetuam elemosinam pro portione dicte filie sue unum modium bladi annui redditus in granchira sua de Marchesio vel de Louvilla singulis annis percipiendum ad mensuram parisiensem vel de Dordan et tres modios vini in vinea sua de Marchesia annuatim percipiendos ad mensuram dicti castri et decem solidos in censu suo de Marchesio die festo Sancti Remigii annuatim percipiendos Ut autem donum ejus ratum et stabile permaneat ad petitionem ipsius Hugonis presentes litteras in testimonium sigillo nostro fecimus roboravi Actum Carnoti anno Dominice Incarnationis millesimo ducentesimo septimo decimo mense aprili