Charter Document - 04960030
| Charter Number: | 04960030 |
|---|---|
| Cartulary Title: | Cartulaire de l'Abbaye de Porrois |
| Charter Language: | Latin |
| Charter Origin: | Lay |
| Charter Type(s): | Approval |
| Date: | 1217 |
| Date type: | Internal |
| Resource Link(s): |
Cartulaires d'Île-de-France |
Charter:
Universis presentem paginam inspecturis Guido dominus Alneoli salutem ac dilectionem Noverit universitas vestra quod Andreas Polins miles decimam suam de Vilerai que est de feodo meo pro centum libris parisiensium monialibus de Porrois titulo pignoris obligavit tali conditione quod quando poterit redimere unam partem vel quartam vel terciam vel medietatem vel totam decimam redimeret cum voluntas sibi afferuit Et ut ista conventio rata foret et stabilis ego Guido ad cujus feodum predicta decima pertinet ad petitionem predicti A presentem paginam sigilli mei munimine roboravi Actum Alneoli millesimo ducentesimo septimo decimo anno Domini mense julio