Charter Document - 04960012
| Charter Number: | 04960012 |
|---|---|
| Cartulary Title: | Cartulaire de l'Abbaye de Porrois |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1209 |
| Date type: | Internal |
| Resource Link(s): |
Cartulaires d'Île-de-France |
Charter:
Ego Buchardus dominus Marliaci omnibus notum fieri volo quod concedo domui Porregii et habitantibus in ea elemosinam quindecim librarum quas dedit dominus Matheus pater meus in redditu centum librarum quas reddebat ei annuatim communia de Mellento Ita videlicet quod in prima die septembris reddentur domui illi per manus communie centum solidi parisiensium et in prima die decembris centum et prima die marcii quinquaginta et prima die jurii quinquaginta Concedo etiam loco predicto et ratam habui illam elemosinam decem modiorum bladi quam dedit mater mea domui prenominate capiendarum in molendinis qui vulgo dicuntur Richeborg et Herchenout ita videlicet quod persone predicti loci nullum mittent expensam in molendinis et si casu contigerit quod illi molendini non sufficient ad solutionem prefati redditus molendini de Nuysement qui sunt in Abdura supplebant defectum Concedo insuper viginti solidos annui redditus recipiendos per manum firmam tenentis infra octobas sancti Remigii quos dederunt pater meus et mater mea canonicis de Phalesia in molendino et furno qui sunt Parisius de maritagio matris mee quos Simon miles de Hestoutvilla a predictis canonicis comparavit et loco prefato in elemosinam contulit Hoc totum concesserunt fratres mei Matheus et Guillelmus et soror mea Margareta Et hoc tueri et garantizare teneor et ut nullatenus possit infirmari sigilli mei munimine roboravi Actum anno Domini millesimo ducentesimo nono