Charter Document - 04960004
| Charter Number: | 04960004 |
|---|---|
| Cartulary Title: | Cartulaire de l'Abbaye de Porrois |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1206 |
| Date type: | Internal |
| Resource Link(s): |
Cartulaires d'Île-de-France |
Charter:
Odo Dei gratia Parisiensis epicopus omnibus presentes litteras inspecturis in Domino salutem Notum facimus quod cum dominus Matheus de Malliaco olim esset Ierosolimam profecturus ipse pro remedio anime sue assignavit quindecim libras anuii redditus apud Mellentum et posuit eas in nostra et uxoris ejus Matildis dispositione ut eas assignaremus et conferemus prout videremus expedire Consilio itaque bonorum virorum assignavimus eas et contulimus eas in perpetuum ecclesie de Porrois Preterea cum dicta Matildis acquisivisset quosdam redditus apud Galardonem scilicet terciam partem in molendino Herchenout et dimidiam partem in molendino Divitis Burgi et quartam pastem in molendino de Freiteval concessit in perpetuam elemosinam eidem ecclesie decem modia bladi annui redditus in predictis reditibus molendinorum absque omni exactione et molendinorum reparatione percipiendos ad mensuram de Galardon bladi videlicet rationabili quale molendina lucrantur ita quod si unum aut duo dictorum molendinorum aliquo casu quod avertat Deus in ruinam redigatur de redditu molendinis superstitis prout poterit sufficere predicte ecclesie super decem modiis satisfaciat Hanc autem assignationem de super dicta pecunia et memorato blado prefate ecclesie factam laudaverunt et fide interposita concesserunt Buchardus et Matheus fratres filii dictorum Mathei et Matildis Matheus etiam Mortis morenciaci de cujus feodo movebant prefate quindecim libre eamdem assignationem laudavit et concessit In cujus rei testimonium de consensu ejusdam Matildis et filiorum suorum presentem cartam sigilli nostri fecimus impressione muniri Actum anno Domini millesimo ducentesimo sexto