Charter Document - 04950101
| Charter Number: | 04950101 |
|---|---|
| Cartulary Title: | Cartulaire de l'Abbaye de Saint-Martin de Pontoise |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1147 |
| Date type: | Assigned |
| Resource Link(s): |
Cartulaires d'Île-de-France |
Charter:
Henricus de Beriecclesia profecturus in Jerusalem venit in capitulum S Martini Pontisariensis cum uxore sua et aliis pluribus ut se Domni Theobaldi abbatis ceterorumque fratrum orationibus commendaret deditque Deo et S Martino si in via moreretur duos modios frumenti unoquoque anno in molendino suo de Beriecclesia concesserunt hunc donum fratres ejus et uxor ejus Ermengardis Testes fuere Drogo de Visnecello Ascelinus de Gundelcuria Haymardus frater ejus Henricus de Montegny Radulphus Comes cliens Henrici Albericus armiger ipsius Henrici Contigit autem dum prefatus Henricus iter ageret ceptum abbatem Theobaldum finire vitam Cujus loco successit abbas Willelmus Sed et Henricus in via illa mortuus est De ejus morte postquam fama audita est Domnus abbas Willelmus Ermengardem ejus uxorem petiit et ammonuit eam quatenus donum suprascriptum adterminaret que petitionibus ejus gratanter annuens unum modium in Natale Domini alium in nativitate S Johannis Baptista disposuit