Charter Document - 04950086
| Charter Number: | 04950086 |
|---|---|
| Cartulary Title: | Cartulaire de l'Abbaye de Saint-Martin de Pontoise |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1130 - 1134 |
| Date type: | Assigned |
| Resource Link(s): |
Cartulaires d'Île-de-France |
Charter:
In nomine S et I T Ego Stephanus D g Parisiorum Episcopus Monachis in ecclesia Sancti Martini Sanctique Germani prope castrum Pontisaram Domino servientibus ecclesiam in honore B Prejecti Alvernensis Episcopi consecratam que est in villa cui nomen est Turnum jam olim eisdem a predecessore nostro bona memoria Gaufrido episcopo concessam et ex tunc ab ipsis per triginta et eo amplius annos canonice possessam perpetuo possidendam cum duabus partibus altaris concedo et authoritate sigilli mei confirmo Hoc et premissis adjicio ut isto sacerdote Theodulfo nomine defuncto vel remoto ab ipsis alius canonice eligatur et ab eisdem vel mihi vel successori meo presentatur ac sic canonice substituatur Synodum vero et circadam mihi retineo debitamque illius ecclesie subjectionem minime relaxo Ut autem hoc firmum perpetuo maneat consensu Capituli Parisiensis ecclesie et personarum subscriptione corroboratur S Stephani Ep S Berneri decani S Ade precentoris S Stephani archid S Theobaldi archid S alterius Theobaldi archid S Gisleberti presbyteri S Theodorici presbyteri S Ivonis diaconi S Guillelmi diaconi S Guinerandi diaconi S Petri subdiac S Auberti subdiac S Petri subdiac S Helberti subdiac S Henrici pueri filii Regis S Bartholomei pueri S Urbani pueri Data per manum Augrini cancellarii