Charter Document - 04950085
| Charter Number: | 04950085 |
|---|---|
| Cartulary Title: | Cartulaire de l'Abbaye de Saint-Martin de Pontoise |
| Charter Language: | Latin |
| Charter Origin: | Religious |
| Charter Type(s): | Announcement |
| Date: | 1124 - 1135 |
| Date type: | Assigned |
| Resource Link(s): |
|
Charter:
Die qua Gauterius filius Gauterii Tirelli mortuus est cum corpus ad sepeliendum ad ecclesiam S Martini Pontisarensis cenobii delatum est antequam sepelieretur mater ejus venerabilis Adelissa dedit in elemosinam dicto monasterio pro remedio anime filii sui defuncti omnes consuetudines et justicias quas habebat Gauterius Tirellus et ipsa in terra monachorum et in hospitibus et in quibuslibet rebus que sunt apud Linviller Hujus rei testes sunt Paganus de Nielfo Radulfus Delicatus Yvo de Conflentio et filius ejus Radulfus Drogo de Rotnello et alii Quando Hugo Tirellus frater memorati defuncti venit Pontisaram dedit et concessit ecclesie S M elemosinam quam dederat mater sua audientibus Pagano de Nealfio et duobus filiis Herveo et Theobaldo Subsequenti tempore quando Gauterius Tirellus pater memorati Gauterii juvenis rediit de pago Ambianensi Pontisaram venit ad monasterium ubi filius suus jacet tumulatus dedit que [] quidquid uxor filiusque ejus dederant Gauterius Tirellus decimam habebat apud Baillolum in quodam campo qui dicitur Mansus Sti Martini non pertinentem ad magnam decimam ejusdem ville Hanc decimam dedit in elemosinam S Martino Pontisarensi Wulpilli nemus Ada uxore Hugonis Tirelli monasterio a majoribus suis concessum fuisse denegante abbas Willelmus cartham Gauterii Tirelli et Hugonis filii ejus qui concesserant pro anima Gauterii pueri jacentis in Claustro Sti Martini ante ostium ecclesie Ada legit Drogo miles de Pice se adfuisse testatur nemusque suo Willelmus monasterio conservat