Charter Document - 04950041
| Charter Number: | 04950041 |
|---|---|
| Cartulary Title: | Cartulaire de l'Abbaye de Saint-Martin de Pontoise |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1100 |
| Date type: | Assigned |
| Resource Link(s): |
Cartulaires d'Île-de-France |
Charter:
Sciendum quod decime de Puteolis cujus duas partes nobis dedit Yta uxor Fulcoidi de Caldriaco tenebat in dominio suo tertiam partem dominus Guibertus de S Dionysio mater etenim uxoris ejus Eufemie dederat eam in matrimonio eidem Eufemie filie sue quando eam prefatus Guibertus in uxorem sibi assumpsit Verum cum ipsa Eufemia infirmaretur et morti proxima esset dedit in elemosina pro sua et omnium antecessorum suorum animabus Deo et Sis Confessoribus Martino et Germano et Monachis cenobii Pontesiensis illam quam supra diximus tertiam partem decime de Puteolis volente hoc et concedente Guiberto marito suo et matre sua nomine Sanctissima Erat eodem tempore prepositus eorum de terra sua de Puteolis Gauterius Orieldis quem propter hoc ipsum ad se mandaverunt et eo presente recognovit prefata Eufemia elemosinam quam fecerat Deo et ecclesie Pontesiensi de tertia parte decime de Puteolis ut diximus Aderunt ibidem tunc Guibertus maritus ejus et quidam frater ipsius et Radulphus serviens eorum et alii plures Guibertus vero precepit Gauterio ut citius rediens Dnum abbatem Theobaldum Pontesie ad se venire faceret Nec mora eadem Eufemia decessit et Guibertus et alii amici ejus adportaverunt ad Sanctum Dionysium ut ibi sepeliretur Gauterius vero cum in redeundo acceleraret iter obviavit Dno Theobaldo abbati apud Sanctum Dionysium in strata Vincenti de Parisius et duxit eum in ecclesia S Dionysi ubi eadam Eufemia nondum sepulta jacebat Quo cum venisset recognoverunt et Guibertus et Sanctissima mater Eufemie et alii amici ejus elemosinam quam fecerat ecclesie sue et sibi Eufemia priusquam moreretur Adfuerunt huic rei cum abbate Odo sacrista monasterii et Petrus Senonensis monachus nepos D Theobaldi abbatis et Theulfus coquus et Gauterius Asinus et Rogerius de Caurcis famuli