Charter Document - 04950011

Rogerius qui cognomento Burdinus nuncupatur pro patris sui ac matris sue quoque anime proprie atque salute fratrumque suorum et sororum antecessorum similiter et heredum suorum omnium medietatem sue proprie terre scilicet Morissarti et omnino quidquid in ea habebat dedit Deo et ecclesie Bti Germani Pontesiensis monachis insuper tam presentibus quam futuris per manus Galterii abbatis atque Anscheri monachi qui primus terram hanc recepit posito quidem coram omnibus hujus elemosine vademonio super altare Sti Nicolai capelle ejusdem Morissarti in illa siquidem die qua prima missa ibidem celebrata est fratribus suis concedentibus et sorore domino equidem Rorico de quo fevum est petente atque concedente Et dna Isabeldis de Creciaco castro cometissa ex qua omnes predictam terram tenunt in eodem loco eidemque mise presens hoc concessit et quicquid habebat in terra data vel danda in elemosina ista dedit et ibi promisit quod suos omnes heredes concedere faceret Et si quis ex illa aliquid teneret quod in hac elemosina amodo dare vellet sicut quod supra concedebat Cum his vero adfuit Hugo de Curcellis qui medietatem ejusdem terre Moressarti ex Gauterio Orphano tenebat [qui Gauterius homo Rogerii Burdini ex eadem parte erat Sicut re vera Rogerius Burdinus sue terre medietatem dederat similiter quoque ex eodem parte Hugo iste] medietatem suam dedit [concedente siquidem ejus uxore cum heredibus suis et Gauterio Orphano cum sua uxore et heredibus suis et Rogerio Burdino et dno Rorico de cujus fefo terra erat et dna Isabeldis comitessa concedentibus In hoc loco eademque hora] Ebraudus ejusque frater Hugo qui Malivicini cognomento vocantur [et quorum sororem habebat Hugo cum predictis affuerunt] qui omnes ex terra quam communiter habebant particulam in hac elemosina dederunt [et duos novales alia in parte eadem determinavere qua alii supradicti dederunt eorum siquidem uxoribus et heredibus concedentibus et] dno Odone de Calmis et dno Gelduino de Creciaco Castro [quorum fevum erat concedentibus cum suis uxoribus atque heredibus Et coram his omnibus] Arnulphus [qui] Grundinus [cognomento nominatur et Robertus Adelardis filius ville Domini Martini terram quam mixtam habebant in hac elemosina dederunt septem arpentes et prati unum arpentem Eorum siquidem uxoribus atque heredibus concedentibus omnibus Et] Robertus [qui cognomento] Rufus appellatur de predicta villa particulam terre [] Albuini in hac elemosina dedit videntibus dictis omnibus istis Et isti omnes quorum nomina in cartula hac scripta sunt datores videlicet et concedentes ecclesie facti sunt testes cum Isabella comitessa Rogerius ejusdem prepositus Adelardus Merius Odo miles de Damno Martino Odoardus Geraldus Rainaldus cognomento Rex de eadem villa Geroldus de Gerolvilerio [ejusque frater Garnerius Gauterius Robertus Guerardus et] Lambertus de Curtrico [sunt iterum ecclesie testes Igitur qui sua dona Deo ecclesieque dederunt et qui eorum donorum veri testes sunt beneficii cenobii S Germani participes se esse credere possunt id est missarum orationum et elemosinarum His itaque ecclesie datis et super altare vademoniis ab omnibus datoribus positis] Galterii quidem Meldensium episcopi et ejus decani Roscelini jussione excommunicatio facta est omnibus qui dederant laudantibus et etiam audientibus aliisque multis Fiat fiat