Charter Document - 04950005
| Charter Number: | 04950005 |
|---|---|
| Cartulary Title: | Cartulaire de l'Abbaye de Saint-Martin de Pontoise |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1069 |
| Date type: | Internal, A.D., Regnal |
| Resource Link(s): |
Cartulaires d'Île-de-France |
Charter:
In nomine S et I Trinitatis Ego Philippus Dei gratia Francorum Rex [Cum novum vetusque Testamentum patrem matremque carnalem honorare prescipiat dicendo Honora patrem et matrem ut sis longevus super terram Christiane religionis est ut patrem nostrum Deum et matrem nostram Sanctam Ecclesiam cujus regeneratio spiritualis plus nobis ad salutem anime quam carnalis ad salutem corporis proficiat honore condigno habeamus et quoniam Abrahe filii sumus Sarram id est Ecclesiam Agar que est sinagoga destructa honorificabiliter exaltemus ut non tanquam filii ancille sed tanquam filii libere in medio celestis ecclesie os nostrum mereamur aperire et impleti spiritu sapientie valeamus evidenter proclamare Domine dileximus decorem domus tue et locum habitationis glorias tue In hac ergo sancta matre Ecclesia in qua ut dictum est regenerati habitare cupientes hanc terrenam ecclesiam tyrannorum pressuris afflictam prout possumus liberare studeamus quia scriptum est Qui elucidant me vitam eternam possidebunt] Elucidare autem volentes ecclesiam S Germani per deprecationem procerum Castri Pontis Isare Warnerii scilicet et Amaurici ceterorumque illustrium virorum quorum beneficiis et elemosinis in tantum surrexerat ut parietibus circumdaretur et a paucis monachis Deo servientibus inhabitaretur quorum supplicationibus humillime condescendens pro anima patris mei parentumque meorum memoria ecclesie supradicte libertatem hanc tribui ut quidquid semel dono vel emptione receperit absque inquietudine possideat Et ut hoc firmum permaneat sigilli mei impressione signavi meisque fidelibus infrascriptis ad corroborandum attribui S Comitis Hugonis S Walerani S Balduini dapiferi S Rainaldi buticularii S Walterii cunstabularii S Widonis de Monte Letario S Adam de Insula S Terboudi de Montmorentiaco S Lancelini de Bellovaco S Stephani prepositi de Parisio Petrus cancellarius relegendo subscripsit Actum ad Pontem Isare anno ab Incarnatione Domini millesimo sexagesimo nono regisque Philippi regnantis nono