Charter Document - 04949164
| Charter Number: | 04949164 |
|---|---|
| Cartulary Title: | Cartulaire de l'Hôtel-Dieu de Pontoise |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1317 |
| Date type: | Internal, A.D., Feast |
| Resource Link(s): |
Reference Document for this Embedded Document |
Charter:
Ph Dei gracia Francie et Navarre Rex Dilectis et fidelibus gentibus Parlamenti nostri pacem salutem et dilectionem Scire vos volumus quod nos finem litibus cupientes imponi dilectis nostris magistro priorisse et conventui Domus Dei Pontisare a sanctissima confessore B Ludovico proavo nostro fundati ac majori paribus et juratis communie de Chambliaco de gracia speciali concessimus quod de lite inter ipsos et procuratorem nostrum hinc inde in Parlamento nostro absque appellacione suborta super eo quod nonnulli de dicta communitate mense maio se contulerant ad boscum dicte Domus Dei de Urticeto seu de Lorthai vurgariter nuncupatum quosdam ramos ex ipso bosco foliatos preter magistri priorisse et sororum dicte Domus beneplacitum asportando tractatum habeant pacificum et concordent ad invicem absqua eo quod propter hoc aliquam solvere teneantur emendam quam ei propter dictum factum incurrere precibus remittimus generose Datum Parisius sexta die aprilis anno Domini MCCC decimo septimo