Charter Document - 04949089
| Charter Number: | 04949089 |
|---|---|
| Cartulary Title: | Cartulaire de l'Hôtel-Dieu de Pontoise |
| Charter Language: | French |
| Charter Origin: | Lay |
| Charter Type(s): | Grant |
| Date: | 1279 |
| Date type: | Internal, A.D. |
| Resource Link(s): |
Reference Document for this Embedded Document |
Charter:
A touz ceus qui ces presentes letres verront et orront Renaut le Gris balli de Senlis salus Nous fesons savoir à touz que nous pour le proufit nostre segneur le Roi avons otroié et baillié au mestre au freres et au sereurs de la Meson Dieu de Pontoise une meson qui jadis fu Oudart le Jongleur de Biaumont pour xii d par de cens rendanz chascun an au commandement nostre Segneur le Roi à la Toussains Laquele meson li estoit escheue par son droit pour ce que le dit Oudars estoit nés hors de mariage Laquele meson estoit tenue de la Meson Dieu desus dite à cens En tesmoing de laquele chose nous avons ces lettres seelées du seel de la baillie de Senliz sauf le droit nostre segneur le Roi et l'autrui Ce fu fet en l'an de grace MCCLXXIX u mois de decembre