Charter Document - 04941012
| Charter Number: | 04941012 |
|---|---|
| Cartulary Title: | Cartulaire de l'Hôtel-Dieu de Pontoise |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1284 |
| Date type: | Internal, A.D., Feast |
| Resource Link(s): |
|
Charter:
Universis p l i Frater Radulphus humilis minister domus de Fayaco ordinis sancte Trinitatis et captivorum Rothomagensis diocesis et totus ejusdem loci conventus salutem in Domino sempiternam Noverit universitas vestra quod nos dilectum nostrum fratrem Johannem dictum Ad Barbam presbiterum latorem presentium domus nostre predicte professum constituimus et facimus procuratorem generalem ad recipiendum sex libras parisienses a priorissa et sororibus Domus Dei Pontisarensis quam pecunie summam debent de vendicione decem solidorum paris quos habebamus in censiva d Maceriis quos decem solidos non poteramus tenere in manu mortua sed illos nos extra manum nostram ponere oportebat Damus etiam dicto fratri Johanni plenariam potestatem de venditione dictorum decem solidorum faciendi et omnia alia et singula faciendi que verus et legitimus procurator facere potest et debet et que nos faceremus et facere possemus si presentes essemus ratum et gratum habituri quidquid per dictum procuratorem actum fuit in premissis Datum anno Domini MCC octuagesimo tercio die lune ante purificationem Beate Marie Virginis