Charter Document - 04941002
| Charter Number: | 04941002 |
|---|---|
| Cartulary Title: | Cartulaire de l'Hôtel-Dieu de Pontoise |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1194 |
| Date type: | Internal, A.D. |
| Resource Link(s): |
|
Charter:
Ego Philippus frater Matthei comitis Bellimontis Universis notum fieri volo tam futuris quam presentibus quod abbas et conventus Vallis beate Marie concesserunt Gaufrido Clerico de Campaniis Domum quam habebant apud Campanias de dono Ade Clerici cum proprii sura eidem domui adjacente et uno arpenno nemoris in costumis ad eamdem domum pertinente et sex arpennos terre de dono ejusdem Ade liberos a campiparte quam campipartem ego in eleemosynam ecclesie prescripte quitaveram Concessit etiam prescripta ecclesia eidem Gaufrido illam partem terre quam habebat in terra domine Marle cum prescripta domo et proprii sura et arpenno nemoris et sex arpennis terre cum campiparte quamdiu vixerit pacifice tenendam cum eadem libertate quam ego prescripte ecclesie in predicta domo et in sex arpennis terre concesseram ita videlicet quod domum illam liberam possidebit et quittam a foragio rotagio talliis corveis et omnibus consuetudinibus et exactionibus et eamdem justitiam quam ego in eadem domo et proprisura concesseram ecclesie Vallis ipse Gaufridus similiter nomine ecclesie possidebit eo tenore quod si ipse Gaufridus vel servientes ipsius homicidium vel furtum vel aliud quispiam medleam scilicet vel aliud quodcumque super qua irretiri debeant in eadem domo aut in masura sua perpetraverint tunc abbas omnem justiciam habebit Si vero abbas justiciam non fecerit ego justiciam faciam Preterea si extraneus quispiam furtum aut homicidium in predicta domo aut in masura perpetraverit aut aliud quodcumque super quo irriteri debeat fecerit tunc mea erit justicia Cum vero idem Gaufridus obierit aut religioni se contulerit prescripta domus cum proprii sura et terris prescriptis et arpenno nemoris ad ecclesiam Vallis libere revertetur ea conditione quod si aliquam meliorationem aut emendationem sive in domo sive in terris fecerit omnis illa melioriatio sive emendatio libera et quitta cum domo et terris ecclesie Vallis remanebit Sciendum etiam quod jam dicta domus quatuordecim denarios Belvacensis monete in festo sancti Joannis et unam minam avene in Natali Domini prefato Gaufrido aut alio cuicumque eam nomine ecclesie tenuerit reddet census vero quatuordecim denariorum et una mina avene qui pro domo mihi annuatim debet persolvi ecclesie Vallis pro salute anime mee liber et quittus remanebit Census autem qui pro terra sex arpennorum mihi redditur annuatim in festo Sancti Remigii mihi persolvetur Quod ut ratum et firmum teneatur presentem cartam conscribi et sigilli mei impressione has conventiones firmas et ratas habens feci corroborari Acto anno ab incarnatione Domini millesimo centesimo nonagesimo tertio