Charter Document - 04940165
| Charter Number: | 04940165 |
|---|---|
| Cartulary Title: | Cartulaire de l'Hôtel-Dieu de Pontoise |
| Charter Language: | Latin |
| Charter Origin: | Lay |
| Charter Type(s): | Concession |
| Date: | 1321 |
| Date type: | Internal, A.D., Feast |
| Resource Link(s): |
|
Charter:
Universis presentes litteras inspecturis Vicarius Pontisarensis salutem in Domino Notum facimus quod in nostra pres personaliter constitutus Thomas dictus de Ruppe clericus curie nostre notarius juratus asseruit coram nobis se habere tenere et possidere de suo proprio conquestu quadraginta solidos paris annui et perpetui census cotagii situatos super domum Johanne relicte defuncti Joh Alaude et liberorum ejusdem situatam in villa Pontisare in vico Doliariorum juxta domum Normanni ex una pte et juxta masuras domorum que fuerunt Adine de Benignicuria prope manerium domini Rothomagensis archiepiscopi ad quatuor anni terminos in villa Pontisare consuetos persolvendi quos quadraginta solidos parisienses census cotagii perpetui supradictos dictus Thomas recognovit coram nobis spontaneus non coactus se dedisse et concessisse dedit contulit et concessit ex nunc et in perpetuum Johanni dicto Bodier clerico et Agneti ejus uxori et ab ipsis causam habituris tenendum [] Anno millesimo tricentesimo vicesimo die martis post Brandones