Charter Document - 04940158
| Charter Number: | 04940158 |
|---|---|
| Cartulary Title: | Cartulaire de l'Hôtel-Dieu de Pontoise |
| Charter Language: | French |
| Charter Origin: | Lay |
| Charter Type(s): | Exchange |
| Date: | 1310 |
| Date type: | Internal, A.D. |
| Resource Link(s): |
|
Charter:
A tous [] Dreue le Joenne [] Pardevant nous Jehan de Chavençon de Pontoise a cel temps eschanson de nostre sire le Roy recognut que il posséoit tenoit et recevoit de son propre demaine [] douze deniers par dannuel chef cens aus huitaves de Saint Denis deux septiers de fourment de rente a Noel dis huit deniers par pour un aignel et douze eus a Pasques sus la masure Raoul Maillart aus Mesieres [] lesquels confessa avoir eschangié aus religieus de la Meson Dieu de Pontoise [] et les dis religieus lui ont baillé [] leur fossé qui est assis à Pontoise entre le courtilg dudit Jehan dune part et le Friesche aus Taneurs dautre part tant comme il a [il y a] dudit fossé entre le mur du courtilg dudit Jehan pardevers l'Eglise Nostre Dame en avalant jusque au froc de la ville pardevers lyaue d'Oise retenu acesd religieus leur voie de treze piez de lé entre ledit fossé et le friesche pour aler a leurs héritages Lequel fossé dudit Jehan devra recevoir et requeillir parmi soi tout lessiau du fossé que lest religieus ont pardessus ledit mur toutes les fois que mestier sera de peschier de curer ou de widier ledit fossé diceus religieus Et pour que ce soit ferme et estable nous [] avons scellé ces présentes lettres du scel de ladite chatelenie en tesmoing de vérité faites et recogneues en lan de lincarnation Nostre Seigneur mil trois cens et dis le vendredi quint jour de juing