Charter Document - 04940148
| Charter Number: | 04940148 |
|---|---|
| Cartulary Title: | Cartulaire de l'Hôtel-Dieu de Pontoise |
| Charter Language: | French |
| Charter Origin: | Lay |
| Charter Type(s): | Lease |
| Date: | 1308 |
| Date type: | Internal, A.D., Feast |
| Resource Link(s): |
|
Charter:
A tous [] Dreue le Geune [] par devant nous Jehan de Chavencon de Pontoise eschancon nostre sire le Roy [] recognut que il avoit pris a cens a heritage perpetuel a touz jous sans nul rapel de gens religieus le prieus la prieuse les freres et les sereurs de la Meson Dieu de Pontoise une terre a tout les sauz dedenz si comme tout se comporte en lonc et en lé séant à Pontoise derrier la meson dudit Jehan joignant dune part a iceli et dautre part au fossé au Mire qui est ausdis relegieus movant diceus relegieus a i den de chefcens que il leur rendra au terme de la Saint Remi avecques iiij souls par d'annuel et perpetuel cens quotage que il leur rendra ensement audit terme pour ladite piece de terre acensié [] lesquiex iiij soulz ledit Jehan pourra quant il li plaira eschangier pour autant en achater ou fief desdis religieus en soi aquitant de ces iiij s de cens [] de maniere que il ne se poura escroitre dicelle terre pardevers ledit fossé ni apeticier ou damagier iceli fossé pour la terre desus acensié acroistre en aucune maniere [] et jura sus sains Evangilles a non venir encontre En tesmoing de ce nous avons mis en ces lettres le seel de susdit lan de grace mil trois cenz et huit le dimanche apres feste Sainte Luce