Charter Document - 04940126
| Charter Number: | 04940126 |
|---|---|
| Cartulary Title: | Cartulaire de l'Hôtel-Dieu de Pontoise |
| Charter Language: | French |
| Charter Origin: | Lay |
| Charter Type(s): | Judgement |
| Date: | 1295 |
| Date type: | Internal, A.D. |
| Resource Link(s): |
|
Charter:
A touz [] Le mere et li pers de la commune de Pontoyse cidesouz nomez salut Sachent tous que come Jehan de Liex filz sire Richart de Liex bourjois de Pontoyse jadis fust obligiez et tenu li devoir granz destes a pluseurs genz si come nous veimes estre contenu sa confession en letres seelées du seel du vicaire de Pontoyse lequel dit Jehan ala de vie a mort sanz paier ceus a qui il devoit pour quoi lis diz creanciers vindrent a nous en requerant que nous les fassions paier de ciex biens muebles que ledit Jehan avoit ou devoit avoir [] adjudication moyennant xli livres à maistre Estienne le Charpentier d'une maison rue Bicherel tenant dune part au degrez de Saint Andriu et dautre a la meson du Midy en la censive de la merie de Pontoyse Ce fu fet du tans Guillaume de Velli mere fet apres Anceul Ababos qui trespassa le jour de feste Saint Nicholas dyver et de lasentement de ses compagnons pers cest asavoir Jehan de Mellou Guillaume Testard Raoul Potin et Guillaume Sequart lan de grace mil cc quatre vins et quinze o mois de juign