Charter Document - 04940121
| Charter Number: | 04940121 |
|---|---|
| Cartulary Title: | Cartulaire de l'Hôtel-Dieu de Pontoise |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1293 |
| Date type: | Internal, A.D. |
| Resource Link(s): |
|
Charter:
Ph Dei gracia Francorum Rex Notum facimus universis tam presentibus quam futuris quod nos antecessorum nostrorum vestigiis inherentes divini amoris intuitu et pro remedio anime nostre et anime Regine Johanne conjugis nostre ac inclite recordationis Regis Phi genitoris nostri et regine Ysabellis genitricis nostre ac aliorum predecessorum nostrorum magistro fratribus et sororibus Domus Dei de Pontisara concedimus et volumus ut iidem tam pro eis et successoribus suis quam pro dicta Domo Dei in terra feodis et retrofeodis ac censivis nostris possint acquirere imposterum justo titulo emptionis seu donationis aut alio quoque justo modo usque ad valorem triginta novem librarum et duodecim solidorum paris annui et perpetui redditus que restant de summa centum librarum par annui redditus quas sibi licebat posse acquirere per inclite recordationis patentes litteras Regis Ludovici avi nostri sibi concessas et confirmatas a felicis recordationis Rege Pho genitori nostro Et sic tam hujusmodi acquirenda quam etiam ea que jam in terra feodis et retrofeodis ac censivis nostris predictis justo modo et licito acquisiverunt et pacifice possiderunt tenere et perpetuo possidere pacifice et quiete sine coactione aliqua vendendi vel extra manum suam ponendi Retentis nobis et nostris successoribus in premissis omnibus juribus justiciis et redibenciis nostris et salvo etiam jure in omnibus alieno Quod ut firmum et stabile permaneat in futurum presentibus litteris nostrum fecimus apponi sigillum Actum apud domum nostram Folleie in Leonibus Anno Domini millesimo ducentesimo nonagesimo tercio Mense julio