Charter Document - 04940117
| Charter Number: | 04940117 |
|---|---|
| Cartulary Title: | Cartulaire de l'Hôtel-Dieu de Pontoise |
| Charter Language: | French |
| Charter Origin: | Lay |
| Charter Type(s): | Confirmation |
| Date: | 1292 |
| Date type: | Internal, A.D., Feast |
| Resource Link(s): |
|
Charter:
A tous ceus qui ses presentes lettres verront et orront le mere et li per de de la commune de Pontoise ci desouz nommez salut Nous fesons a savoir que pardevant nous vindrent Garnier le Verrier de Pontoise et Yssabel sa fame recongnurent en droit avoir vendu à Agnes fame Nicholas Chevalier bourgois de Pontoise une meson que il avoient seant a Pontoise pour vint livres de parisis [] Ladite meson est assise devant l'Abruvoir aus chevaus de la Grant rue tenant à la meson qui fu Aden d'Auvers dune part et à la meson qui fu Guillaume le Boucher de lautre part en la censive qui fu Herviu de Pierrelee a une malle de chief cens et est carchiee de douze parisis de cens cotage [] Ce fu fet pardevant Estienne Mansebouc en ce temps meres et pardevant ses compaignons pers Michiel Germein et Gautier de Lile lan de grace mil cciiiixx et douze le samedi apres la Touseinz