Charter Document - 04940106
| Charter Number: | 04940106 |
|---|---|
| Cartulary Title: | Cartulaire de l'Hôtel-Dieu de Pontoise |
| Charter Language: | French |
| Charter Origin: | Lay |
| Charter Type(s): | Sale |
| Date: | 1287 |
| Date type: | Internal, A.D. |
| Resource Link(s): |
|
Charter:
A touz [] Oudart de la Villeneufve baillis de Senlis salut Nous fesons a savoir a touz que pardevant Adan de Baerne et Jehan de Senlis bourgois de Biaumont sur Oyse [] vint present Tibaut le Meire de Champaignes et reconnut que il avoit vendu [] aus freres et aus sereurs de la Meson Dieu de Pontoise demi arpent de terre arable seant desouz le Moustier de Champaignes ou la entour tenant dune part a Richart le Plastrier et dautre part a la terre de ladite Meson Dieu pour cent s de parisis [] Et a la convenance desus dite tenir et fermement acomplir ledit Thiebaut en a especiaument obligie au diz acheteeurs et a leurs successeurs un arpent de terre seant au Val au Prouvaires tenant dune part a la vigne Robert Hardi et dautre part a Ansel des Pres [] Ce fut fet en lan de grace mil cciiii xx et sept u mois de decembre le secont jour