Charter Document - 04940100
| Charter Number: | 04940100 |
|---|---|
| Cartulary Title: | Cartulaire de l'Hôtel-Dieu de Pontoise |
| Charter Language: | French |
| Charter Origin: | Lay |
| Charter Type(s): | Concession |
| Date: | 1285 |
| Date type: | Internal, A.D. |
| Resource Link(s): |
|
Charter:
A touz [] Adam Halos baillis de Senlis saluz Nou fesons a savoir a touz que pardevant Aden de Baerne et Jehan de Senlis bourgois de Biaumont seur Oyse a ce especiaument establis en ice leu du commandement le Roi et du nostre vindrent en propres personnes Jehan Bouche de Champaignes et Jehane sa femme et Oedelot fille de la dite Jehane et reconnurent que il avoient vendu par leur commun assentement [] toute l'action le droit et la moiteerie que il fesoient a moitié et a heritage de la Meson Dieu de Pontoise aus freres et as sereurs de ladite Meson Dieu pour le pris de xl s de tournois [] laquelle terre joint a la terre Jehan de Montaigni et a la terre de ladite Meson Dieu [] U tesmoing de ceste chose nous avons seelé ces presentes lettres du seel de la baillie de Senlis [] en lan de grace MCC quatre vins et cinc u mois de mav