Charter Document - 04940081
| Charter Number: | 04940081 |
|---|---|
| Cartulary Title: | Cartulaire de l'Hôtel-Dieu de Pontoise |
| Charter Language: | French |
| Charter Origin: | Lay |
| Charter Type(s): | Acceptance |
| Date: | 1276 |
| Date type: | Internal, A.D., Feast |
| Resource Link(s): |
|
Charter:
A tous ceus qui ces presentes lettres verront et orront Pierres Mansebouc mere de la commune de Pontoise et ses compaignon per ci desous nomes salut Nos fesons a savoir que pardevant nous vindrent Jehan dit Galeran et Odierne sa fame recongnurent quil devoient a Guillaume Daniel et a Maheut sa fame trente et trais sous de Parisis de cens cotage chacun an par la reson dune meson quil ont prise audit cens assise [] en la rue de Bicherel devant la Platriere surs lyaue dune part et tenant a la meson Raoul Coignet surs lyaue de lautre part et tenant a la meson audit Guillaume de lautre part en la censive de la ville [] Ce fu fet pardevant Pierres Mansebouc de ce tans mere et pardevant ses compaignons pers cest a savoir Michel Ababos Estienne Secart Alexandre le Mercier et autres Richart de la Fontaigne Guillaume Debrie Estienne Leclerc en l'an de l'Incarnation Nostre Segneur mil cclx et quatorze aus mois de juing le mardi apres la feste saint Meulan