Charter Document - 04940079

Omnibus presentes litteras inspecturis Thomas penitenciarius ecclesie Belvacensis Robertus prior de Acimonte Bartholomeus de Ponte clerici salutem in Domino Cum inter viros religiosos Abbatem et conventum de Marchesio Raduphi ordinis Premonstratensis Rothoma gensis dyocesis ex una parte et magistrum priorissam fratres et sorores Domus Dei de Pontisara ex altera esset controversia super jure possessionis et proprietatis pressorandi vindemiam cujusdam vinee site apud Campanias que vocatur Dame Aye continentis unum arpentum vel circiter de qua controversia electi erant a partibus predictis videlicet nos magistri Bartholomeus de Ponte et Robertus prior de Acimonte ordinis Sancti Augustini nobis Thome penitenciario Belvacensis tercio communiter electo ita quod arbitrium seu ordinatio nostra cum predictorum robur firmitatis obtineat sub certa pena prout in litteris dictarum partium plenius continetur dicti que Bartholomeus et Robertus lite coram ipsis legitime contestata super premissis jurato que de calumpnia testibus hinc inde receptis et ipsorum attestationibus publicatis cum dicti Bartholomeus et Robertus in unam non possent sententiam convenire ad nos recursum habuerunt Nos vero arbitri predicti tandem de consensu dictorum religiosorum de Domo Dei et fratris Johannis Canis procuratoris Marchesii Radulphi ordinamus quod dicti religiosi de Marchesio Radulphi pro pressoragio de quo agitatur et nomine pressoragii solvent in festo Beati Michaelis singulis annis apud Campanias dictis religiosis de Domo Dei quatuor solidos parisienses et pro quolibet anno quo vel quibus debuit poni in manu nostra pressor agium de quo agitur quatuor solidos parisienses de quo pressoragio erga alios defendere debent dictos religiosos de Marchesio Radulphi dicti religiosi de Domo Dei Datum apud Pontisaram anno Domini MCCLXX sexto die Lune post Ascensionem Domini