Charter Document - 04940077
| Charter Number: | 04940077 |
|---|---|
| Cartulary Title: | Cartulaire de l'Hôtel-Dieu de Pontoise |
| Charter Language: | Latin |
| Charter Origin: | Religious |
| Charter Type(s): | Lease |
| Date: | 1275 |
| Date type: | Internal, A.D., Feast |
| Resource Link(s): |
|
Charter:
Universis p l i Vicarius Notum facimus quod in presencia Petri dicti de Meleduno clerici curie nostre jurati a nobis specialiter propter hoc destinati Johannes dictus de Chambliaco constitutus qui tanta infirmitate erat detentus quod non poterat coram nobis personaliter comparere executor testamenti deffuncti Richardi de Chambliaco et in presencia nostra constitute Petronilla mater dicte Johannis et Gila uxor quondam dicti defuncti Richardi coexecutores dicti Johannis in eodem testamento recognoverunt quod dictus defunctus et ipsa Gila constanti matrimonio inter ipsos acquisierunt quadraginta solidos parisienses annui censu super quadam domo sita Pontisare in vico qui dicitur la Charonnerie sita inter domum uxoris Ade dicti Girin et masuram Sancti Martini de Campis de Parisiis que quidem domus est Bartholomei dicti Fromundin et quod dictus Richardus deffunctus pro remedio anime sue legaverat Domui Dei de Pontisara viginti solidos parisienses annui census et in ipso testamento voluit et precepit quod executores testamenti ipsius assignarent dicte Domui Dei dictos viginti solidos super possessione aliqua sufficienti et ydonea quos viginti sol assignarunt super domo predicta dicti Bartholomei Froumentin Datum anno Domini M ducentesimo LXX quinto die mercuri post festum beati Martini hiemalis