Charter Document - 04940060
| Charter Number: | 04940060 |
|---|---|
| Cartulary Title: | Cartulaire de l'Hôtel-Dieu de Pontoise |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1267 |
| Date type: | Internal, A.D. |
| Resource Link(s): |
|
Charter:
Universis presentes litteras inspecturis Matheus dominus Montis Morenciaci miles salutem in Domino Notum facio universis quod ego de voluntate et assensu Johanne uxoris mee venditionem et quitationem quas nobilis vir Gaufredus de Capella miles et Margareta ejus uxor fecerint magistro [] et sororibus Domus Dei de Pontisara de quodam feodo cum omni jure et dominio que habebant apud villam que vulgariter dicitur Les Mesieres videlicet tam in sexdecim arpentis terre arabilis vel circiter de suo dominio et in campiparte sextris viginti et tresdecim arpentis terre vel circiter et in duodecim solidis circiter paris annuicensus et quatuorhostisiis vel circiter quarum quilibet debet unum sextarium avene et duos capones ad Natale Domini et quoddem rasarium frumenti et unum agnum ad Pascha et culcitum et saccum et duas corvatas in anno et in medietate justicie totius ville et in domibus suis propriis etin quodem retrofeodo quod Henricus de Puteolis tenet quam in aliis quibuscumque rebus quod feodum tenebant ab Odone de Centum Nucibus milite [] laudo et approbo [] promittens per legitimum creantum meum quod contra predictam venditionem non veniam in futurum [] Ut autem predicta rata et inconcussa permaneant presentes litteras sigilli mei munimine roboravi Datum anno Domini MCCLX septimo mense junii