Charter Document - 04940056
| Charter Number: | 04940056 |
|---|---|
| Cartulary Title: | Cartulaire de l'Hôtel-Dieu de Pontoise |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1266 |
| Date type: | Internal, A.D., Feast |
| Resource Link(s): |
|
Charter:
Universis presentes litteras inspecturis Dnus Gaufredus de Capella miles salutem in Domino Noveritis quod nos quandam domum nostram sitam apud Maisieres cum omnibus suis pertinenciis proventibus et reditibus que habebamus et habere poteramus quacumque ex causa et omnen terram arabilem sitam apud Maisieres cum omnibus juribus et pertinenciis suis quam habebamus a Johanne de Charz dicto Galois armigero que tenebamus in feodum a domino Odone de Centumnucibus milite insuper et feodum quem Henricus de Puteolis tenebat a nobis vendidimus [] rectori priorisse fratribus et sororibus Domus Dei de Pontissara [] pro ducentis et viginti libris parisiensibus Ita quod dicti rector priorissa fratres et sorores annuatim solvent predicto Johanni de Charz sexaginta solidos parisiens in octabis festi Omnium Sanctorum quamdiu vivit domina Emelina neptis nostra uxor quondam Petri de Charz militis et post decessum ipsius Margarete a solutione dicte pecunie perpetuo liberi sint et immunes De quibus ducentis et viginti libris nos predicti Gaufredus integre tenuimus pro pagatis [] In cujus rei testimonium presentes litteras fieri fecimus et sigillo nostro muniri Datum Parisius in domo nostra anno Domni MCCLXVI die lune in vigilia beati Andree apostoli