Charter Document - 04940051

Universis presentes litteras inspecturis officialis curie Parisiensis salutem in Domino Notum facimus quod coram clerico nostros jurato cui fidem adhibemus ad hoc a nobis specialiter destinato constituta nobilis domina Aalipdis uxor viri nobilis domini Philippi de Tria militis asseruit quod dictus dominus Philippus maritus ejus per suas patentes litteras laudaverat et approbaverat vendiciones quas fecerunt Excellentissimo Domino Ludovico Dei gracia Regi Francorum Paganus Draparius et Juliana ejus uxor Symon dictus Juvenis et Agnes ejus uxor burgenses Pontisarenses de duabus domibus que movebant de feodo ipsius domini Philippi sitis Pontisare in vico Pontis Pontisare in loco ubi nova Domus Dei Pontisare constituta est et etiam escambium quod fecit dicto domino Regi Johannes de Chambli de quadam domo contigua duabus domibus antedictis prout hec omnia et alia in litteris dicti domini Philippi super hoc confectis pleniter contineri dicebat Promittens voluntate spontanea non coacta fide data in manu dicti nostri clerici jurati quod contra laudacionem permutacionem et vendictionem predictas racione dotis dotalicii sive donacionis propter nuptias aut alio quoque modo per se vel per alium non veniet in futurum et quod in domibus supradictis nichil juris seu dominii per se vel per alium de cetero reclamabit subiciens se quantum ad hoc juridictioni Curie Parisiensis Sicut hec omnia idem clericus noster juratus cui fidem adhibemus nobis retulit viva voce Datum anno Domini M ducentesimo sexagesimo primo mense julio