Charter Document - 04940044
| Charter Number: | 04940044 |
|---|---|
| Cartulary Title: | Cartulaire de l'Hôtel-Dieu de Pontoise |
| Charter Language: | Latin |
| Charter Origin: | Lay |
| Charter Type(s): | Ammortisement |
| Date: | 1260 |
| Date type: | Internal, A.D. |
| Resource Link(s): |
|
Charter:
Omnibus hec visuris Vicarius Rothomagensis archiepiscopi in Pontisara et in Vulgasino Francie salutem in Domino Notum facimus quod in nostra constituti presencia Theobaldus de Genci Aden et Petrus de Genci armigeri Parisiensis dyocesis tunc temporis ut dicebant domini terreni totius manerii quod habebant et emerant ut dicitur Johannes de Ruella et Odelina ejus uxor a domino Roberto dicto Latruie milite quod quidem manerium situm est ut dicitur in vico Pontis de Pontisara inter portam dicti pontis ex una parte et domum Johannis dicti Luilier ex altera sicut dictum manerium a duobus vicis usque ad aquam latitudine et longitudine se comportat voluerunt et concesserunt quod Domus Dei de Pontisara teneat et possideat dictum manerium in manu mortua et ex illa suam possit facere voluntatem absque contradictione alicujus Juraverunt insuper coram nobis sponte tactis sacrosanctis Evangeliis predicti armigeri quod in dicto manerio ratione dominii hereditatis minoris etatis seu quaque aliqua alia ratione nichil de cetero reclamabunt Pro predicta autem concessione ab ipsis dicte Domui ut dictum est facta ipsi a dicta Domo recognoverunt se recepisse viginti quinque libras parisienses in pecunia numerata De quibus tenuerunt se pro pagatis coram nobis renunciantes omni exceptioni non numerate pecunie Preterea domina Johanna vidua relicta defuncti Ade de Genci militis et domicella Agnes uxor dicti Theobaldi in nostra constituti presencia juraverunt coram nobis sponte tactis sacro sanctis Evangeliis scilicet dicta Agnes de voluntate dicti Theobaldi mariti sui quod in dicto manerio ratione dotis donationis propter nucias conquestus elemosine hereditatis seu quaque aliqua alia ratione nichil de cetero reclamabunt [] Preterea dictus Theobaldus promisit coram nobis sub debito juramento se garantizaturum dicte Domui dictum manerium contra omnes et quantum ad premissa facienda implenda et fideliter observanda tam dicti armigeri quam memorate mulieres supposuerunt se juridictioni nostre ipsos transferre contigerit In cujus rei testimonium sigillum nostrum presenti scripto ad instanciam dictorum armigerum et mulierum duximus apponendum Datum anno Domini MCC sexagesimo mense julii