Charter Document - 04940043
| Charter Number: | 04940043 |
|---|---|
| Cartulary Title: | Cartulaire de l'Hôtel-Dieu de Pontoise |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1260 |
| Date type: | Internal, A.D. |
| Resource Link(s): |
|
Charter:
Omnibus hec visuris Vicarius Rothomagensis archiepiscopi in Pontissara et in Vulcassino Francie salutem in Domino Notum facimus quod in nostra constituti presencia domina Heloydis uxor Ade de Guallonel militis recognovit se quitasse et penitus dimisisse de assensu et voluntate dicti Ade mariti sui priori fratribus et sororibus Domus Dei de Pontissara juxta pontem quod habebat vel reclamare poterat ratione dotis sue in omni illo quod dominus Adam habebat apud Pontissaram videlicet in vico de Aneriaco et in territorio de Rocrai quod vocatur la Haie Milesent et in valle de sub nemore de Aneriaco et in valle de Valle Giroudi et in valle de Maloysel et inter vallem Hermeri et Pontissaram [] In cujus rei testimonium sigillum nostrum presenti scripto ad instanciam ipsius domine Heloydis duximus apponendum Datum anno Domini millesimo ducentesimo sexagesimo mense junii