Charter Document - 04940038
| Charter Number: | 04940038 |
|---|---|
| Cartulary Title: | Cartulaire de l'Hôtel-Dieu de Pontoise |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1258 |
| Date type: | Internal, A.D. |
| Resource Link(s): |
|
Charter:
Ego Theobaldus dictus Delicatus miles Notum facio omnibus presentes litteras inspecturis quod ego vendicionem quam Renaudus dictus Malus Clericus burgensis Pontisare et Domiana uxor ejus fecerunt Excellentissimo Domino Ludovico Regi Francie de medietate cujusdam domus quam tenebant de me ad duodecim denarios censuales que sita erat in loco ubi nova Domus Dei de Pontisara construitur et etiam mortificationem et quitationem quas Petrus dictus Abin domicellus et domina Ada de Travailles fecerunt dicto Domino Regi de quibusdam aliis domibus in predicro loco existentibus quas iidem Petrus et domina Ada tenebant de me volo laudo benigniter et concedo et quicquid juris seu dominii in omnibus predictis domibus habebam vel habere poteram Domino Regi vel ejus successoribus quitto ad plenum [] Quod ut firmum et stabile permaneat ego predictus Theobaldus miles presentes litteras sigilli me munimine roboravi Actum anno Domini MCC quinquagesimo octavo mense julii