Charter Document - 04940036
| Charter Number: | 04940036 |
|---|---|
| Cartulary Title: | Cartulaire de l'Hôtel-Dieu de Pontoise |
| Charter Language: | Latin |
| Charter Origin: | Lay |
| Charter Type(s): | Ammortisement |
| Date: | 1258 |
| Date type: | Internal, A.D. |
| Resource Link(s): |
|
Charter:
Ego domina Ada de Travailles notum facio universis presentes litteras inspecturis quod ego vendicionem et quitacionem quas Guillelmus dictus d'Espeluches et Emelina soror ejus et Richardus Hurtaut et Droco d'Espeluches et Radulphus dictus li Courteis et Galterus dictus de Insula fecerunt Excellentissimo Domino Ludovico Francie Regi de domibus quas habebant apud Pontisarem in loco ubi construitur Domus Dei Pontisarensis quas tenebant predicti de me ad quindecim denarios censuales volo laudo plenarie et concedo et quicquid juris seu dominii in predictis habebam vel habere poteram Domino Regi vel ejus successoribus quito benigniter et concedo promittens bona fide quod in predictis domibus vel pertinenciis eorum nichil de cetero per me vel per alium reclamabo immo predictos domos a predicto censu liberas et immunes contra omnes ad usus et consuetudines patrie Domino Regi vel ejus successoribus garantizabo de cetero in manu mortua possidendas Quod ut firmum et stabile permaneat Ego predicta domina Adda presentes litteras sigilli mei munimine roboravi Datum anno Domini MCC quinquagesimo octavo mense junio