Charter Document - 04940032
| Charter Number: | 04940032 |
|---|---|
| Cartulary Title: | Cartulaire de l'Hôtel-Dieu de Pontoise |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1258 |
| Date type: | Internal, A.D. |
| Resource Link(s): |
|
Charter:
Ego Radulphus dictus de Petralata burgensis Pontisare Notum facio universis pres litt insp Quod ego excambium quod Johannes dictus de Chambliaco et Marta uxor ejus fecerunt Excellentissimo Domino Ludovico Regi Francorum videlicet de medietate cujusdam domus site in vico Pontis Pontisare inter Domum Richardi dicti de Locis ex una parte et domum Symonis dicti Juvenis ex altera quam medietatem domus dicti Johannes et Marta uxor ejus tenebant de me ad duos denarios censuales volo laudo benigniter et concedo Et quodcumque juris seu dominii in medietate predicte domus habebam vel habere poteram Domino Regi vel ejus successoribus quito plenius et concedo Promittens quod in dicta medietate jam dicte domus vel in pertinentiis ejus per me vel per alium nichil de cetero reclamabo Immo predictam medietatem prefate domus a predicto censu liberam et immunem contra omnes ad usus et consuetudines patrie Domino Regi vel ejus successoribus garantizabo de cetero in manu mortua possidendam Quod ut firmum et stabile permaneat in futurum ego predictus Radulphus presentes litteras sigilli mei munimine roboravi Actum anno Domini MCCL octavo mense maio