Charter Document - 04940025
| Charter Number: | 04940025 |
|---|---|
| Cartulary Title: | Cartulaire de l'Hôtel-Dieu de Pontoise |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1235 |
| Date type: | Internal, A.D. |
| Resource Link(s): |
|
Charter:
Notum sit omnibus tam presentibus quam futuris quod ego Hugo Tyrel assensu et voluntate Egidie uxoris mee pro salute anime mee et omnium antecessorum meorum concessi Domui Dei Pontisare et rectoribus ejusdem ut habeant et teneant imperpetuum quamdam peciam terre sitam juxta jardinum dicte Domus Dei ex una parte et juxta regiam viam ex altera Ita quod reddant mihi et heredibus meis annuatim pro eadem pecia terre ad oct[abas] Sancti Dyonisii quatuor solidos parisienses de censu et ita quod nec ego nec heredes mei poterimus eos cogere ad dictam peciam terre vendendam Retento mihi et heredibus meis de eadem pecia terre toto dominio et omni alio jure In cujus rei testimonium presentes litteras sigilli mei munimine roboravi Actum anno gratie MCCXXX quinto mense maii