Charter Document - 04940022
| Charter Number: | 04940022 |
|---|---|
| Cartulary Title: | Cartulaire de l'Hôtel-Dieu de Pontoise |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1233 |
| Date type: | Internal, A.D. |
| Resource Link(s): |
|
Charter:
Officialis Archidiaconi omnibus presentes litteras inspecturis salutem in Domino Notum facimus quod Hemericus ad Dentem et Messendis uxor sua in nostra presentia constituti contulerunt in puram et perpetuam elemosinam Domui Dei Pontisarensis quamdam peciam terre que est sita ultra pontem inter Calciatam et jardinum dicte Domus Dei Isti elemosine assensum prebuerunt Andreas de Ponte et Euroissa uxor sua et Hodoinus de Elemosina et filii eorumdem ita quod in dicta terra nichil de cetero reclamaverunt et hoc tenendum fide in manu mea corporaliter prestita promiserunt Magister vero et fratres Domns Dei concesserunt predictis Andree de Ponte et uxori sue quandam domum sitam justa Rupem que est de censiva Beati Petri sibi et eorum heredibus sine reclamatione aliquo imperpetuum possidendam In cujus rei memoriam ad petitionem partium sigillum nostrum presentibus litteris duximus apponendum Actum anno Domini MCCXXX secundo mense marcio