Charter Document - 04940004
| Charter Number: | 04940004 |
|---|---|
| Cartulary Title: | Cartulaire de l'Hôtel-Dieu de Pontoise |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1200 |
| Date type: | Internal, A.D. |
| Resource Link(s): |
|
Charter:
Notum sit omnibus tam futuris quam presentibus quod Matheus comes Bellimontis dedi et concessi Garino de Campaniis preposito meo et heredibus suis domum suam in quam manet et aream granchie mee cum ipsa granchia liberam et immunem ab omni servicio et corveia et ab omni exactione per recompensationem et cum cambio domus sue quam ad opus meum retinui excepto quod dabit in singulis annis lucium unum de quinque solidis in die dominica de Quintatia Quod ut ratum et inconcussum permaneat presentem cartam sigilli mei munimine roboravi Actum anno gracie MCC mense septembris