Charter Document - 04930046
| Charter Number: | 04930046 |
|---|---|
| Cartulary Title: | Cartulaire et censier de Saint-Merry de Paris |
| Charter Language: | Latin |
| Charter Origin: | Religious |
| Charter Type(s): | Judgement |
| Date: | 1230 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
In nomine Patris et Filii et Spiritus Sancti Amen Nos G[iraudus] decanus Parisiensis auditis et intellectis que Sanctissima Mulier per se et Eremburgis ejus filia per maritum suum proposuerunt coram nobis petentes a canonicis Sancti Mederici Parisiensis quamdam domum sitam in vico Baillehoue inter domum Guidonis Casearii ex una parte et domum Michaelis Majoris ex altera et que dicti canonici responderunt ex adverso asserentes dictam S[anctissimam Mulierem] eis concessisse quod de dicta domo facerent quicquid vellent pro arreragiis xix solidorum et dimidium de incremento census quos eis debuerat solvisse per v annos ut dicebant antequam dictam domum sarsissent adicientes quod cum ipsa postea traheret eos in causam super dicta domo coram Ernaudo tunc decano Parisiensi idem decanus eos absolverat per sententiam diffinitivam ab impetitione dicte mulieris lite legitime contestata et prestito hine inde juramento de calumpnia testibus receptis atestationibus publicatis positionibus et interrogationibus et confessionibus in jure factis et aliis rite actis die ad sententiam partibus assignata et sponte ab eisdem recepta habito bonorum virorum consilio adjudicavimus dictam domum memoratis S[anctissime Mulieri] et E[remburgi] ejus filie condempnantes memoratos canonicos dictis S[anctissime Mulieri] et ejus filie ad reddendum dictam domum pacifice possidendam quam Alexandrum Presbiterum ipsi canonici et idem Alexander eorum auctoritate possidere confessi sunt Condempnamus etiam dictas S[anctissimam Mulierem] et ejus filiam memoratis canonicis in quatuor solidis parisiensium infundendis eisdem canonicis pro meliorationibus dicte domus habita consideratione proventuum perceptorum et percipiendorum a partibus usque modo salvo censu trium solidorum et dimidium et incremento census xii solidorum solvendis singulis annis dictis canonicis ab illis qui dictam domum de cetero possidebunt Actum anno Domini MCC tricesimo mense junio