Charter Document - 04930044
| Charter Number: | 04930044 |
|---|---|
| Cartulary Title: | Cartulaire et censier de Saint-Merry de Paris |
| Charter Language: | Latin |
| Charter Origin: | Religious |
| Charter Type(s): | Quit Obligation |
| Date: | 1231 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Omnibus presentes litteras inspecturis capitulum Sancti Mederici Parisiensis in Domino salutem Notum facimus quod cum dominus Daniel presbiter de Sancta Oportuna haberet quatuor solidos et dimidium Parisius in terra nostra censuales ad suam capellaniam pertinentes super domo videlicet Vincentii le Cordier ante ecclesiam Sanctorum Innocentium dictus Daniel presbiter voluit et concessit de illis quatuor solidis et sex denariis nobis xviii denarios parisiensium in singulis annis percipiendos tali pactione quod nos et successores nostri permitteremus ipsum dictum Danielem presbiterum et suos successores libere et pacifice possidere residuum de dictis quatuor solidis et dimidium In cujus rei testimonium et munimen de voluntate et assensu utriusque partis sigillo nostri capituli has litteras fecimus sigillari Actum anno Domini MCC tricesimo primo mense julio