Charter Document - 04930029
| Charter Number: | 04930029 |
|---|---|
| Cartulary Title: | Cartulaire et censier de Saint-Merry de Paris |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1219 |
| Date type: | Internal, A.D. |
| Resource Link(s): |
Cartulaires d'Île-de-France |
Charter:
Omnibus litteras inspecturis officialis curie ecclesie Parisiensis archidiaconi salutem in Domino Notum facimus universis quod constituti in presentia nostra Petrus maritus Elysabeth filie defuncti Hugonis Barbe et ipsa Elysabeth recognoverunt se vendidisse fide interposita canonicis sancti Mederici Parisiensis sex solidos et duos denarios de augmentato censu super duabus cameris sitis in vico Sacci juxta domum Hugonis Trossevache in fundo terre dictorum canonicorum pro l solidis Parisiensium fide sua promittentes quod dictum censum prefatis canonicis contra omnes homines garantizabunt Richardus vero frater predicte Elysabet hanc venditionem laudavit et concessit fide sua promittens quod in dicto censu nichil presumet de cetero reclamare In cujus rei memoriam presentes litteras fieri fecimus et sigillo curie Parisiensis archidiaconi consignari Actum anno Domini MCC nono decimo mense decembris