Charter Document - 04930023
| Charter Number: | 04930023 |
|---|---|
| Cartulary Title: | Cartulaire et censier de Saint-Merry de Paris |
| Charter Language: | Latin |
| Charter Origin: | Religious |
| Charter Type(s): | Composition |
| Date: | 1212 |
| Date type: | Internal, A.D. |
| Resource Link(s): |
|
Charter:
Ego abbatissa totusque conventus monialium Montis Martyrum omnibus presentes litteras inspecturis in Domino salutem Ad notitiam vestram volumus pervenire quod cum canonici Sancti Mederici Parisiensis compellerent nos ad vendendum quamdam vineam que vulgo nuncupatur vinea Caballi et est sita juxta torculare nostrum apud Savias in fundo terre dictorum canonicorum pro qua etiam reddebamus eis singulis annis septem denarios de capitali censu in octabis sancti Dyonisii tandem facta est talis compositio inter nos ex una parte et dictos canonicos ex altera quod prenominata vinea a nobis in perpetuum tenenda et possidenda habeatur et teneamur reddere singulis annis in supradictis octabis duplicatum censum xiiii denariorum Actum anno gratie MCCXII mense julii