Charter Document - 04930010
| Charter Number: | 04930010 |
|---|---|
| Cartulary Title: | Cartulaire et censier de Saint-Merry de Paris |
| Charter Language: | Latin |
| Charter Origin: | Religious |
| Charter Type(s): | Acknowledgment |
| Date: | 1220 |
| Date type: | Internal, A.D. |
| Resource Link(s): |
|
Charter:
Stephanus decanus totumque capitulum Parisiense omnibus presentes litteras inspecturis salutem in Domino Notum facimus universis quod cum causa verteretur coram nobis decano inter Hugonem clericum et Stephanum filios Auberee civis Parisiensis ex una parte et canonicos Sancti Mederici Parisiensis ex altera super quadam domo sita juxta ecclesiam Sancti Mederici supra cimiterium in fundo terre dictorum canonicorum que fuit Durandi quondam canonici dicte ecclesie defuncti quam dicti fratres a prefatis canonicis jure hereditario petebant tandem prefati fratres et eorum mater meliori usi consilio coram nobis constituti recognoverunt se super predicta domo nichil juris habere immo omnem actionem et omne jus si quod eis adversus memoratos canonicos super ante dicta domo competebat eisdem canonicis et successoribus eorum fide data remiserunt et penitus quitaverunt seque eadem fide astringentes promiserunt dictis canonicis prefatam domum se pro posse suo garantizaturos In cujus rei memoriam et testimonium presentes litteras ad petitionem partium sigillo capituli Parisiensis fecimus consignari Actum anno Verbi incarnati MCCXX mense maio