Charter Document - 04921287
| Charter Number: | 04921287 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | French |
| Charter Origin: | Lay |
| Charter Type(s): | Sale |
| Date: | 1282 |
| Date type: | Internal, A.D. |
| Resource Link(s): |
|
Charter:
A touz Gile de Compigne garde de la prevosté de Paris pardevant nous vindrent sire Jehan dit Poucin chambelanc nostre chier seigneur le Roy de France et Perronelle sa famme afermerent qu'il avoient tenoient et poursuivoient une mairie en la ville de Bouffemont en la censive de religieus homes le Prieur et le convant de St Martin des Chans de Paris et en leur seignorie en laquele mairie il appartient trois arpens de terre arable assis au terrouer de Bouffemont et le four de lad ville et les esbournages les saisines et autres choses qui sont atenanz au service de lad mairie laquelle mairie il reconnurent qu'il avoient vendue as devant diz prieur as us et en acroissement des pitances du dev dit couvant pour cent et soissante liv de parisis L'an de grace mil CC quatre vinz et un eu mois de fevrier