Charter Document - 04921279
| Charter Number: | 04921279 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Religious |
| Charter Type(s): | Decree |
| Date: | 1280 |
| Date type: | Internal, A.D., Feast, Lunar |
| Resource Link(s): |
Cartulaires d'Île-de-France |
Charter:
U p l i Officialis curie reverendi patris domini Ancheri Cardinalis archidiaconi Parisiensis Notum facimus quod ad nostram presenciam accedentes Maria relicta defuncti Michaelis de Montemartirum Symonetus et Marota ejus liberi impuberes a dicto defuncto Michaele suscepti Petronilla dicta de Sancto Marcello soror dicti Michaelis defuncti Emelina dicta la Boucharde consanguinee et affines dictorum impube rorum nobis humiliter supplicarunt ut nos ex debito nostri officio eisdem minoribus ne propter etatis sue lubricum in personis rebus vel negociis detrimentum aliquod paterentur de tutore seu curatore legitimo providere dignaremur petentes quod nos eis minoribus Johannem dictum de Montemartirum patruum suum de cujus moribus et facultatibus sibi ad plenum constabat curatorem concedere dignaremur Qui quidem Johannes comparens in judicio coram nobis et se excusans ab onere tuicionis noluit in se suscipere onus curationis immo asseruit quod intendebat litigare contra ipsos minores Nos vero Johannes de Malorespectu tutorem dedimus Qui quidem Johannes de Malorespectu juravit coram nobis tactis sacrosanctis evangeliis omni etiam sollempnitate adhibita que in talibus adhiberi solet et fieri consuevit quod dictos nimores res bonaque negocia eorum bene et fideliter defendet ac etiam pertractabit et ea que eisdem minoribus utilia viderit faciet se quantum ad hec et omnia bona sua mobilia et immobilia presencia et futura eisd minoribus obligando Datum anno Domini mill CC septuagesimo nono die lune post Brandones