Charter Document - 04921277
| Charter Number: | 04921277 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | French |
| Charter Origin: | Lay |
| Charter Type(s): | Confirmation |
| Date: | 1279 |
| Date type: | Internal, A.D., Feast |
| Resource Link(s): |
|
Charter:
A touz Beatriz fame de tres noble home nostre tres chier seigneur Robert conte de Dreues et de Montfort salu Sachent tuit que nous avons ferm et estable le compromis que nostre treschier seigneur devantdit a fet en ennorable home religieus et honeste l'abbé de Saint Denis en France de la cause ou des causes qui meuvent ou entendent a mouvoir contre religieus homes le prieur et le couvent de St Martin des Chans de Paris contre nostre tres chier seigneur devantdit en la ville et ou terroer de Bonnelle et prometons en bonne fai sur l'obligement de touz noz biens que nous tendrons fermement a touz jours sans venir encontre ce que lidit abbés de Saint Denis fera et ordenera dou compromis dessusdit sait pour nous ou contre nous Et que ce sait ferm et estable nous avons séellé ces pres letres de nostre séel données en l'an de grace mil deus cenz soissante et diseunef ou mais de juingnet lendemain de feste saint Jaque et saint Cristofle