Charter Document - 04921268
| Charter Number: | 04921268 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Religious |
| Charter Type(s): | Concession |
| Date: | 1277 |
| Date type: | Internal, A.D. |
| Resource Link(s): |
Reference Document for this Embedded Document |
Charter:
Universis p l i frater Petrus humilis prior monasterii Sti Martini de Campis Parisiensis totusque ejusd loci conventus ordinis Cluniacensis salutem in Domino sempiternam Notum facimus quod cum Petrus de Chambliaco excellentissimi domini Regis Francie cambellanus haberet et perciperet annis singulis in prepositura Bellimontis super Ysaram vinginti libras turonenses annui et redditus perpetui titulo emptionis sibi facte a domno Johanne de Campaniis milite Henrico dicto de Bella Ecclesia et Roberto de Campaniis fratribus nepotibus quondam et heredibus in solidum defuncti Theobaldi de Campaniis militis olim clare memorie domini Alfonsi Pictavie et Tholose comitis patrui excellentissimi Regis Francie ex concessione et confirmatione ejusdem domini Regis eis factis ordinatione[m] executorum testamenti dicti comitis item et a Johanne de Hala quondam servitore dicti comitis similiter sexaginta sol turonenses annui et perpetui redditus ex causa consimili Et prefatus Petrus supradictas viginti tres libras turon annui et perpetui redditus habendas et percipiendas in dicta prepositura in festo Omnium Sanctorum ex nunc in posterum annuatim a Priore nostro de Bellomonte super Ysaram et successoribus suis nobis et pred prioratui nostro et Priori nostro de Bellomonte predicto in escambium seu permutationem dederit concesserit et perpetuo quitavit cum omni jure et actione utili et directa que sibi competunt et competebant et competere possunt et debent modo quolibet et quocumque titulo in easdem Nos pensata a nobis dicti prioratus nostri de Bellomonte et nostri monasterii pred et nostra utilitate super hoc et provisa quam in hoc esse credimus in escambium et permutationem dictarum viginti trium librarum turon annui redditus predicto Petro de Cambliaco et ejus heredibus et successoribus damus dedimus et concedimus concessimus quitamus et quitavimus ex nunc in perpetuum concessimus omnia et singula que habemus et habere et percipere debemus ratione dicti prioratus nostri de Bellomonte apud Bruerias juxta Bernam comitatus Bellimontis et in ejusdem ville de Brueriis territorio tam in redditibus censibus terris jsticuiis juridictione expletis decimis campi partibus dominiis et aliis omnibus in quibuscumque locis et rebus consistant quolibet nomine censeantur ad dictum prioratum nostrum modo quolibet spectantibus nichil juris dominii proprietatis possessionis justicie jurisdictionis vel actionis cujuslibet in pred villa de Brueriis vel ejus territorio vel in aliqua ejus parte dicto prioratui de Bellomonte nobis seu nomine nostro aut successoribus nostris dicti prioratus in posterum retinendo Promittentes bona fide quod contra premissa a nobis ut dictum est concessa de cetero non veniemus nec venire per nos vel per alios attemptabimus in futurum Immo et omnia a nobis ut dictum est concessa garantizabimus liberabimus et defendemus ipsi Petro et ejus heredibus et causam ab eis habituris quociens opus fuerit contra omnes Datum anno Domini MCC septuagesimo septimo mense julio