Charter Document - 04921259
| Charter Number: | 04921259 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | French |
| Charter Origin: | Religious |
| Charter Type(s): | Renunciation |
| Date: | 1275 |
| Date type: | Internal, A.D., Feast |
| Resource Link(s): |
Cartulaires d'Île-de-France |
Charter:
A tous ceuls qui ces letres verront et orront frere Pierre humbles abbés de l'église des Fossez et tout le couvant d'ice leu salut en nostre Seigneur Nous fesons a savoir que come nous pour nostre meson du Chaatel de Torci pour le four et pour les apartenances de ladite meson et noz hostes du chaatel de Torci aiens et avons eu de tout jourz pesiblement toute manière de usage en la forest de Roissi qui est de nobles homes monseigneur Amauri de Meullent sire de la Queue Gobert d'Argies sire de Guitebeuf Yde sa fame Guillaume des Essarz sire de Ambleinville Ysabel sa fame Aubert de Longueval sire de Croissi et Anne sa femme et li devant dit nous en aient donné pour nostre dit usage quatre vinz et douze arpens pour nostre part et à noz hostes du Chaatel de Torci et à leur hoirs pour leur part cinquante arpens a tout jourz mes joute noz bois de Oroer par certaines bonnes devisez fanchement et quictement en moin mortenous quitons aus dev diz chevaliers au prieur de Gournay et à leurs hostes de Roissi a noble home Thibaut conte de Bar et a ses hostes de Torci quittons tout le remenant Ce fu fet l'an de l'Incarnacion Nostre Seigneur mil CC seissante et quinze au mois d'avril