Charter Document - 04921256
| Charter Number: | 04921256 |
|---|---|
| Cartulary Title: | Recueil de chartes et documents de Saint-Martin-des-Champs [Paris] |
| Charter Language: | Latin |
| Charter Origin: | Lay |
| Charter Type(s): | Concession |
| Date: | 1274 |
| Date type: | Internal, A.D. |
| Resource Link(s): |
|
Charter:
U p l i Almarricus de Meullento dominus de Cauda Guillelmus de Essartis dominus de Amblinvilla Gobertus de Argiis dominus de Guitebeuf Albertus de Longavalle dominus de Croissiaco milites Isabellis uxor predicti Guillelmi Yda dicti Goberti Anna dicti Alberti uxores salutem Notum facimus quod cum Prior et conventus Beate Marie de Gournayo supra Maternam suo et dicti prioratus nomine habuerint et percipierint ab antiquo pacifice et quiete tam pro dicto monasterio quam pro granchiis et quibuscumque locis dicti monasterii ex dono et elemosina antecessorum nostrorum omnimodum usuagium in foresta de Roissiaco ad ardendum hospitandum et ad pasturam animalium et ad proprie necessitatis usum prout in litteris predecessorum nostrorum et prout in litteris Regum Francie Episcoporum Parisiensium et Pontificum Romanorum super hoc confectis dictam elemosinam testantibus et confirmantibus plenius continetur nos pensata utilitate nostra et heredum nostrorum et Religiosorum predictorum et eorum monasterii predicti super hoc et provisa volentes eisdem super dicto usuagio satisfacere competenter de communi ascensu nostro tanquam heredes dicte foreste ac etiam dictorum Prioris et conventus damus concedimus et assignamus eisdem Religiosis et eorum monasterio predicto trecenta arpenta nemorum dicte foreste sita inter nemus Joliveti de Gliseria et thegulariam de Roissiaco certis metis designata capienda ad perticam de Cauda a predictis Religiosis et eorum successoribus et in eos et dictum monasterium penitus tranferentes omne jus dominium et possessionem perpetuam et universam que in eisdem habebamus Datum anno Domini MCC septuagesimo quarto mense novembri